Reduce traffic accidents

රිය අනතුරු අඩු කර ගනිමු

මිනිසාගේ කාර්මික දියුණුවත් සමඟ ගමනාගමනය සහ ප්‍රවාහනය පහසු කරගැනීම සඳහා රථවාහන භාවිත කරන්නට විය. මෙය කොතරම් මිනිසාට ප්‍රයෝජනවත් දෙයක් වුවත් එය ම මිනිසාගේ අයහපතට හේතු වන අවස්ථා ඇත. රථවාහන භාවිතයේ හද සසල කරවන සිදුවීම නම් “රිය අනතුරු” වන්නේ ය.

ශ්‍රී ලංකාවේ ප්‍රවාහන අමාත්‍යාංශ වාර්තාවලට අනුව වර්ෂයකට විසිපන් දහසක් පමණ දෙනෙක් රිය අනතුරුවලට ගොදුරු වෙති. එසේම වසරකට රථවාහන අනතුරු නිසා මනුෂ්‍යයෝ තුන්දාහක් පමණ අකාලයේ මිය යති. මෙය මහත් කනස්සලු දායක වාර්තාවකි.

රිය අනතුරු ඇතිවීම කෙරෙහි බලපාන ප්‍රධානම හේතුව වන්නේ රියදුරන්ගේ වැරදි ය. මිනිස් ජීවිතයක වටිනාකම නොදන්නා සමහර රියදුරෝ මත්පැන් භාවිතා කර වාහන පදවති. සමහරු නිසිලෙස පුහුණුව නොලැබූ අය වෙති. එසේම ශාරීරික සහ මානසික නිරෝගීකමක් නැති රියදුරෝ ද, වෙති. වගකීමකින් තොරව “වඳුරාට දැලි පිහිය අහුවුනා වාගේ” රිය පැදවීමෙන් මිනිස් ජීවිත අකාලයේ පරවී යයි.

වාහන ගමන් කිරීමට ඇති මාර්ගවල අඩුපාඩුකම් නිසා ද රිය අනතුරු සිදුවේ. අප රටේ රථ වාහන සදහා පාරවල්වල පළල ප්‍රමාණවත් නැත. පාසල නිම වී බස් රථයේ හෝ වෑන් රථයේ යන විට මේ බව හොඳින් පැහැදිලි වේ. මේ හේතුව නිසා ද, රිය අනතුරු සිදුවේ.

රිය අනතුරු අඩු කරගැනීමට නම් රියදුරන්ට පාඩම් කියා දිය යුතුය. වැරැද්දට නිසි දඬුවම් ලබාදිය යුතුය. අනතුරු බහුල තැන්වල පොලීසිය මගින් වාහන හැසිරවිය යුතුය. දඩ ගැසීමට ම නොව රිය අනතුරු අවම කර ගැනීමේ අරමුණින් පොලිසිය වැඩ කළ යුතුය.

රිය අනතුරැවලින් ආරක්ෂාවීමට මගීන්ට ද වගකීමක් ඇත. පාරේ ගමන් කරන විට හොඳ සිහිකල්පනාවෙන් සහ ඉවසීමෙන් ගමන් කිරීම කාලෝචිත ය. වටිනා මනුෂ්‍ය ජීවිත ආරක්ෂා කරගැනීම කාගේත් යුතුකමකි.

– වචන 230


තිබිය යුතු මුළු වචන සංඛ්‍යාව = 200
ලකුණු =14 න්


Sinhala essay :- Reduce traffic accidents (Riya anaturu adu kara ganimu)- Grade 9

Share this essay for others

,

3 Responses to Reduce traffic accidents

  1. Anu December 4, 2018 at 3:50 pm #

    Good Help for Us. Thank you Sir.

  2. pasindu January 11, 2019 at 2:38 pm #

    thank you sir.

  3. Dinada sanchith March 23, 2019 at 4:09 am #

    Thenk you very much !

Leave a Reply

shares